Көпшілік шаралар

Ағымдағы жылдың 14-наурыз сағат 10.00-де Батыс Қазақстан облыстық тарихи-өлкетану музейінде ҚР Президенті Н.Назарбаевтың «Болашаққа бағдар: рухани жаңғыру» және «Ұлы даланың жеті қыры» бағдарламалары аясындағы Жастар жылына арналған «Музейстар-2019» атты жобасының ашылуы және М.Өтемісов атындағы Батыс Қазақстан мемлекеттік университетінің «Білімді жастар-ел болашағы» атты көрмесінің ашылу салтанаты ұйымдастырылды.
Жобаның ашылу салтанатына Облыстық мәдениет басқармасының басшысы Қ.Мұсағалиев, Батыс Қазақстан облыстық жастар саясаты басқармасы басшысының міндетін атқарушы М.Асқарұлы, Батыс Қазақстан облысы «Рухани жаңғыру» бағдарламасының өңірлік жобалық кеңсе жетекшісі С.Тұманбаева, жобаға қатысушы жеті жоғары және орта оқу орны ректорлары мен тәрбие ісі жөніндегі орынбасарлары, М.Өтемісов атындағы БҚМУ оқытушылары мен студенттері, музей қызметкерлері, БАҚ өкілдері қатысты.
Жоба мақсаты: Өңірімізде жастарға білім беретін оқу орындарын көпшілік назарына ұсыну арқылы Ақ Жайықтың таңдаулы жоғары және орта оқу орындарын халыққа таныстыру, жастардың бойына өлкенің рухани және мәдени мұрасына қызығушылықтарын арттыру, жастардың білімге, өнерге, тарихқа қызығушылықтарын ояту, жастардың рухани дамып, өсуіне музейдің өзіндік үлесін қосу.

Жобаға қатысушылар:
1. М.Өтемісов атындағы Батыс Қазақстан мемлекеттік университеті
14 наурыз- 12 сәуір
2. Жәңгір хан атындағы Батыс Қазақстан аграрлық-техникалық университеті 16 сәуір – 17 мамыр
3. Батыс Қазақстан инженерлік-технологиялық университеті 21 мамыр – 21 маусым
4. Қазақстанның инновациялық және телекоммуникациялық жүйелер университеті 25 маусым – 19 шілде
5. Батыс Қазақстан жоғары медициналық колледжі 13 қыркүйек – 11 қазан
6. Ж.Досмұхамедов атындағы педагогикалық колледжі 15 қазан – 15 қараша
7. Құрманғазы атындағы саз колледжі 18 қараша – 13 желтоқсан

Шара 14-Наурыз Көрісу айт мерекесінің тарихы туралы бейнебаян пен көрініс көрсетумен басталып, «Музейстар-2019» жобасының ережесі таныстырылып, облыстық мәдениет басқарма басшысы Қадырболат Қабдірұлына сөз кезегі ұсынылды. Сонымен қатар, шара қонақтары Батыс Қазақстан облысы «Рухани жаңғыру» бағдарламасының өңірлік жобалық кеңсе жетекшісі С.Тұманбаева, Батыс Қазақстан облыстық жастар саясаты басқармасы басшысының міндетін атқарушы М.Асқарұлы сөз алып, М.Өтемісов атындағы БҚМУ-дың «Мәдениет және өнер» кафедрасының студенттері өз өнерлерін көрсетті. Шара соңында М.Өтемісов атындағы БҚМУ ректоры Н.Серғалиев мырза сөз алып, облыстық музейдің көрме залында жабдықталған университеттің «Білімді жастар – ел болашағы» атты көрмесін тамашалауға шақырды. Көрмені ашу рәсімі облыстық мәдениет басқарма басшысы Қ.Мұсағалиев пен М.Өтемісов атындағы БҚМУ ректоры Н.Серғалиевке ұсынылып, кейін музей экскурсоводы А.Ықыласбекова көрмені таныстырды. Көрмеге М.Өтемісов атындағы БҚМУ тарихы туралы ақпарат, жетістіктері, студенттерінің қолөнер туындылары және дипломдық жұмыстары қойылды.