Музей құрылымы
Музей тарихы
Бүгін БҚО тарихи-өлкетану музейінде, Ұлтымыздың жанашыры, көрнекті мемлекет қайраткері, белгілі этнограф, тарих ғылымдарының докторы Өзбекәлі Жәнібековке арналған «Өзбекәлі Жәнібеков – Ұлт мәдениетінің жанашыры» атты тарихи-танымдық шара өтті.
Көпшілік шаралар
Бүгін БҚО тарихи-өлкетану музейі мен Облыстық халық шығармашылығы орталығының ұйымдастыруымен, 16 наурыз – Мәдениет және ұлттық салт-дәстүр күніне орай, «Салт дәстүрім - қазынам» атты шара және «Бесікке салу» рәсімі оздырылды.
Батыс Қазақстан облыстық тарихи өлкетану музейінің бөлімі Дина Нұрпейісова атындағы өнер тарихы музейінде 22-наурыз Қазақ халқының Жаңа жылы мерекесіне арналған “Салтым-асыл қазынам” тақырыбында мәдени-сазды шара өтті.
Батыс Қазақстан облыстық тарихи-өлкетану музейінің бөлімі А.С.Пушкин музей-үйінде 1 маусым – Халықаралық балаларды қорғау күнініе орай «Пушкин балалар көзімен» атты суреттер көрмесі ұйымдастырылды. Көрмеге С.Ғұмаров атындағы балалар көркем-сурет мектебінің кылқалам шеберлерінің туындылары негізінде жасақталған жұмыстары қойылды. Қатысушы оқушыларға сыйлықтар табысталып, жас шеберлердің шыңдалуына үлесін қосып жүрген жетекшісі Назгүл Бақытжанқызына алғыс хат табысталды.#бқомузейлері
31 мамыр – Саяси қуғын-сүргін құрбандарын еске алу күніне орай XX ғасырдың басында талайды сарсаңға салып, қасірет шектірген қанқұйлы жылдардың оқиғасын, оның жазықсыз құрбан болған азаматтарының есімдерін ұмытпай, мәңгі есте сақтап, жас ұрпақтың санасына бабалар аңсаған тәуелсіздіктің құндылығын сіңіртіп, Қазақстанымыздың көркейіп, гүлдене түсуіне өз үлестерін қоса отырып, бейбіт өмірді бағалай білуге тәрбиелеу мақсатында Батыс Қазақстан облыстық тарихи-өлкетану музейінің Жәнібек аудандық музей бөлімінің ұйымдастыруымен музейіміздің «Ұлы Отан соғысы» залында А.Оразбаева атындағы негізгі мектебінің қазақ тілі мен әдебиеті пәнінің мұғалімі Айдана Сырымова мен аталмыш мектептің оқушыларының қатысуымен «Зұлмат жылдар зауалы» атты тақырыптық дәріс өтті.
Батыс Қазақстан облыстық тарихи-өлкетану музейінде саяси қуғын - сүргін құрбандарын еске алу күніне орай Батыс Алашорда қайраткері, дәрігер Халел Досмұхамедовтың туғанына 140 жыл толуына арналған «Алаштың ұстанымы - ұлт мұрасы» атты көрменің ашылуы болды. Көрмеге М.Өтемісұлы атындағы Батыс Қазақстан университетінің оқытушысы, тарих ғылымдарының кандидаты, доцент Б.С.Боранбаева, тарих факультетінің студенттері, Ж.Досмұхамедов атындағы жоғары педагогикалық колледжінің 1 курс студенттері, музей қызметкерлері қатысты.
2023 жылдың 29 мамыр күні Батыс Қазақстан облыстық тарихи-өлкетану музейінде Ә.Х.Марғұлан атындағы Археология институты мен Корея Республикасының Мәдени мұра зерттеу ұлттық институтымен бірлескен 2022-2024 жылдарға арналған ғылыми жобасы аясында Қазақстанның бірнеше музей қоры мен экспозициясындағы қола дәуірінен орта ғасырға дейінгі аралықты қамтитын ат әбзелдерін зерттеу жұмыстарын жүргізу барысында бірлескен дөңгелек үстел өтті.
22 мамырда Ұлы Жеңіс күніне орай Бөкей ордасының тумасы, Ұлы Отан соғысының ардагері, үш мәрте «Қызыл Жұлдыз», ІІ дәрежелі «Отан соғысы» ордендерімен, бірнеше медальдармен марапатталған ержүрек жерлесіміз, 1946-1970 жылдары саналы ғұмырын Жәнібек ауданында ішкі істер саласына арнап, өскелең ұрпақтың ертеңі үшін аянбай қызмет еткен ардақты азамат Сұлтан Бисекеновтың туғанына 105 жыл (1918-1991 ж.ж.) толуына орай жеткіншектерге батырдың өмірбаяны, ерлігі туралы мәлімет бере отырып, Ұлы Отан соғысында от кешкен ержүрек жауынгердің теңдессіз де жанқиярлық ерлігін әрқашан ардақтауға, өшпес рухына тағзым етіп, көрермендердің өмірге деген сүйіспеншілік, құштарлық сезімдерін оятып, өз елінің патриоты болуға, Отанды сүюге тәрбиелеу мақсатында Батыс Қазақстан облыстық тарихи-өлкетану музейінің Жәнібек аудандық музей бөлімінің ұйымдастыруымен музейіміздің «Ұлы Отан соғысы» залында №1 мектеп-лицейінің 7 «в» сынып оқушылары мен жетекшісі Альфия Хапуова және Т. Жароков атындағы ЖББОМ-ның оқушыларының қатысуымен «Жаужүрек жерлесіміз жайында» атты экспозициялық көрме жасақталды.
Қазақстан Республикасының 2015 жылғы 18 қарашадағы «Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы» Қазақстан Республикасы Мемлекеттік өызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 9 қазандағы №12 бұйрығына сәйкес 2023 жылдың 1 маусымы мен 31 маусымы аралығында «Батыс Қазақстан облысының әкімдігі мәдениет, тілдерді дамыту, архив ісі басқармасының Батыс Қазақстан облыстық тарихи-өлкетану музейі» мемлекеттік коммуналдық қазыналық кәсіпорнында сыбайлас жемқорлық тәуекелдеріне ішкі талдау жүргізіледі.
Жемчужина қоры
Билет сату
Мұрағат
Жол жүру сұлбасы
Әлеуметтік желілер
Copyright © 2011-2019. Батыс Қазақстан облыстық тарихи-өлкетану музейі