Көпшілік шаралар

2019 жылдың 13 ақпаны күні Батыс Қазақстан облыстық тарихи-өлкетану музейінде Қазақстан Суретшілер Одағының мүшесі, суретші Ренат Елубаевпен «Өнерім-өмірім» атты кездесу кеші өткізілді.
Кездесу кешінің негізгі мақсаты: Ренат Қилыбайұлының халықаралық деңгейдегі жетістіктерін насихаттау, қылқалам шеберінің жұмыстарын шара қонақтарына таныстырып, суретшінің сурет салу технологиясының өзгешелігін жас ұрпаққа жеткізіп, шеберлік классын көрсету.
Кездесу кеші Ренат Елубаев туралы бейнероликпен басталып, шараның алғы сөзін Батыс Қазақстан облысы мәдениет басқармасы басшысы атынан келген өкілі Рамазанов Ақжол Қайырбекұлына берілді. Кездесу кешінде «Жеті өнер» №1 халықаралық балалар және жастар шығармашылық фестиваль-конкурсының «Дәстүрлі ән өнері» бойынша 1-дәрежелі жүлдегері Болат Армат, «Мұрагер» домбырашылар ансамблінің мүшелері, №1 Хиуаз Доспанова атындағы жалпы білім беретін орта мектептің 10 сынып оқушысы Бейбітәлі Бейбарыс өнерлерін көрсетті. Шара қылқалам шеберімен пікір алмасу бағытында жалғасын тауып, көзі байлаулы күйінде шеберлік класс көрсетті. Шара қонақтары суретшілер Қ. Оразғалиев, Қ. Мәдір, т.б. сөз алып, өңірге келген суретшіге құрмет білдірді. Шара музей директоры М.Ерсаевтың сөзімен аяқталды.