“2006 жыл-Қазақстандағы Пушкин жылы” аясында 1833 жылы орыс әдебиетінің ұлы классигі А.С.Пушкин тоқтаған атамандар үйінде ақынның музейі ашылды. И.Крылов, В.Даль, В.Жуковский, Т.Шевченко, А.Плещеев, Л.Толстой тоқтаған бұл ғимараттың табалдырығын аттасымен-ақ ХІХ ғасырдағы Орал қаласына сапар шеккендей әсерде қаласыз. Орыс суретшілерінің линогравюралары арқылы Сіз сол кездегі қаладағы «Успен ғибадатханасы», «Петр мен Павел шіркеуі», «Михаил-Архангел ғибадатханасы», «М.Толкачевтің үйі» секілді Пушкин аралаған тарихи орындармен танысасыз.

Дворяндық үлгіде жабдықталған осынау залдан ХІХ ғасырдың лебі есіп тұрғандай сезімде боласыз. Сондай-ақ, музей экспозициясында “Капитан қызы” мен “Пугачев көтерілісінің тарихы” кітаптарының ескі басылымдары, ақын қолжазбасының көшірмелері, Орал қаласында болған ақын-жазушылар туралы фотоматериалдар, А.С.Пушкинмен кездескен шаруалар көтерілісінің қатысушылары туралы деректер көрермен назарына ұсынылған.

• Музей меңгерушісі – Атаньязова Гүлбағира Ерсайынқызы.
• Мекен-жайы: Орал қаласы, Достық даңғылы 168.
• Байланыс телефоны: 8 (7112) 50 56 75.