Массовые мероприятия

Батыс Қазақстан облыстық тарихи-өлкетану музейінің директоры Мирболат Ерсаев музей ұжымы атынан музейдің бөлімі Мәншүк Мәметова мемориалдық музейінің қор сақтаушысы Еркінғалиева Әлия Жантөреқызын 60 жасқа толған мерейтойымен құттықтады.

Батыс Қазақстан облыстық тарихи-өлкетану музейінің директоры Мирболат Ерсаев музей ұжымы атынан музейдің бөлімі Мәншүк Мәметова мемориалдық музейінің қор сақтаушысы Еркінғалиева Әлия Жантөреқызын 60 жасқа толған мерейтойымен құттықтады. 

40 жылдай уақыт бойы Ақ Жайық өңірінің мәдениет саласын дамытуға және тарихының зерттелуіне зор үлес қосып келесіз. Музей саласына қосқан айрықша қолтаңбаңыз баршаға аян. Жастарды туған өлке тарихын білуге баулуда еселі еңбегіңіз бар. Ағалар салған сара жолды сабақтастырып, ерлікті елге насихаттап, қан майданда қыршын кеткен алты Алашқа ортақ батыр жерлесіміз Мәншүк Мәметованың ерлігін дәріптеп, ұрпақ тәрбиелеуге қосқан үлесіңіз мол. Әрдайым осы тындырымды қалпыңыздан танбай, табыстан табысқа жете беріңіз. Сізге зор денсаулық, ұзақ өмір, ырыс пен ынтымақ, бақ пен береке тілеймін, - деді облыстық музейдің директоры Мирболат Бижанұлы.

Әлия Жантөреқызы ұжым мен басшыға сый-құрмет үшін алғыс айтты.